CAGAYAN DE ORO CITY – Ipaska sa kapolisan ang kasong murder batok sa negosyante ug kanhi seaman nga midunggab-patay sa ka-relasyon sa iyang kanhi kaipon diha sa Zone 4, Brgy. Catipunan, Villanueva, Misamis Oriental.

Naila ang suspek nga si Adonis Jamero, 55 anyos, may kapuyo ug residente sa Brgy. Bugo ning dakbayan.

-- Advertisement --

Samtang ang biktima mao si Reykin Gallarita, 43 anyos, ulitawo nga taga Alubijid ning lalawigan.

Miingon si Police Staff Sgt. Reynan Tan, imbestigador sa Villanueva Police Station nga selos ang motibo sa pagpatay sa suspek sa biktima.

Si Police Staff Sgt. Reynan Tan, imbestigador sa Villanueva Police Station

Nakaangkon ang biktima sa lima ka samad-dinunggaban sa iyang li-og ug tiyan nga maoy hinungdan sa iyang kamatayon sa miaging pagsugat sa bag-ong tuig.