CAGAYAN DE ORO CITY – Gibisita’g balik ni 2020 Ms Universe Philippines Rabiya Mateo ang flagship station sa Bombo Radyo Philippines dihang nakauli sa syudad sa Iloilo.

Photo from Bombo Radyo Iloilo

Kini human unang gisaad sa 24 anyos nga beauty queen nga mobalik siya paghuman sa coronation night sa Ms Universe Philippines sa kauluhan.

-- Advertisement --

Gani,feel at home kaayo ang dalaga sa akomodasyon sa Bombo Rady Iloilo kaniya diin siya ang gipalingkod sa anchor’s booth aron motubag sa mga pangutana kabahin sa iyang kadaugan ug sunod nga mga plano.

Nasaysay usab sa dalaga nga ganado siya nga representahan ang Pilipinas sa Ms Universe ning tuiga.

Kini human personal na nagpaabot sa ilang guiding tips si 2017 Ms Universe Pia Wurztbach ug 2013 Ms World Megan Young alang sa iyang apilan nga international pageant competition.

Miingon ang 24 anyos nga Ilonga beauty queen nga tungod sa mga giya ni Pia ug Megan ma-pursige kini sa pagbuhat sa tanan aron kab-uton ang ikalima nga korona alang sa nasud.

Si 2020 Ms Universe Philippines Rabiya Mateo

Gihimo ni Rabiya ang rebelasyon dungan sa iyang ikaduha nga pagbisita sa flagship station-Bombo Radyo Iloilo atol sa programang Good Morning Philippines.