CAGAYAN DE ORO CITY – Gibaha sa simpatiya gikan sa kanhi Pinay beauty queenug bisan ni Ms Thailand Amanda Obdam si Ms Univsere Philippines Rabiya Mateo.

Kini human nakahilak ang 24 anyos nga Ilonga beauty queen sa mga pagbiay-biay gikan sa pipila ka Pinoy pageant fans nga wala makaangay sa national costume attire niini ug sa nahatag niya nga performance sa maong pre-pageant activiy sa Hardrock Hotel,Miami,Florida,USA kagahapong adlawa.

-- Advertisement --

Kabahin sa to the rescue kang Rabiya batok social media bash,mismo si 2015 Ms Universe Pia Wurtzbach,2018 Ms Universe Catriona Gray;Title 2014 Miss Universe Philippines MJ Lastimosa;2016 Ms Universe Philippines Maxine Medina;2013 Supranatural Mutya Datul;2016 Ms International Kylie Verzosa;2015 Ms Philippines Angelica Ong; 2020 Ms Universe 2nd runner up Michelle Gumabao ug 2020 Ms Universe Philippines 3rd runner up Pauline Amelinkx.

Gidasig sa maong beauty queens ang miubos nga self-esteem ni Rabiya kay gipangita sa Pinoy fans ang sun-inspired headpiece nga mo-terno unta sa sul-ob niya nga Philippine-flag inspired national costume nga disensyo sa namatay na nga si fashion designer Rocky Gathercole.

Si Ms Univsere Philippines Rabiya Mateo

Apan bisan niini,nagpasalamat pa gihapon si Rabiya sa mga tawo nga wala mobiya ug padayong mi-suporta sa kampanya sa Pilipinas.

Samtang gi-depensa usab ni 2011 Ms Universe 3rd runner up Shamcey Supsup-Lee kinsa national director sa Ms Universe Philippines nga wala na makaya’g sul-ob ni Rabiya ang headpiece kay nahulog gikan sa iyang ulo.

Si 2011 Ms Universe 3rd runner up Shamcey Supsup-Lee

Kini ang hinungdan nga wala na nila pugsa’g pasul-ob ilabina nga 21 kilos nang daan ang kabug-at sa mga pako nga kabahin sa attire niini kagahapong adlawa.