CAGAYAN DE ORO CITY – Gisakmit sa kandidata gikan sa lungsod sa Jasaan ang titulo isip Ms Kuyamis alayon sa tinuig nga kasumaran sa pagsilbing probinsya sa Misamis Oriental.

Photos from MisOr’s PIO

Kini human nagtigi sa ilang kaanyag ug kalawom sa kalabutan kabahin sa nag-unang mga isyu sa katilingban ang 20 ka kandidata sa maong indigay.

-- Advertisement --

Si Ms Jasaan candidate Dannah Joy Tempra ang gikoronahan nga opisyal mihulip usab sa gibakanteng trono ni 2020 Ms Kuyamis Ms Isobel June Teaño nga gikan sa munisipyo sa Opol ning lalawigan.

Nagsilbing 1st runner up si Ms Sugbongcogon candidate Katheryn Guipetacio;2nd runner up si Ms Naawan candidate Princess Nicole Segundo;3rd runner up si Ms Claveria candidate Angeliza Navajo ug 4th runner up usab si Ms Gitagum candidate Aylssa Marie Cordova.

Nagbaton lamang sa usa ka final common question ang kompetisyon nga mi-sentro kon unsaon sa mga kandidata pagpabuhi’g balik ang turismo sa Misamis Oriental nga grabeng naapektuhan sa pandemya sa COVID-19.

Si Ms Jasaan candidate Dannah Joy Tempra

Una usab niini,misaksi sa kalihukan si Gov Bambi Emano kuyog sila si 2017 Ms Kuyamis Berjayneth Chee;2018 Ms Kuyamis Ana Monica Tan;2019 Ms Kuyamis Chella Grace Falconer ug mismo si 2020 Ms Kuyamis Isobel June Teaño sa city hall auditorium sa El Salvador City kagahapon sa hapon.