CAGAYAN DE ORO CITY – Kabahin ang talent presentation ni Dannah Joy Tempra gikan sa Misamis Oriental ang nabantayan sa board of judges sa preliminary rounds sa Ms World Philippines nga ilang nasundayag sa Grand Ballroom,Okada,Manila.

Kini human nag-presentar ang 45 kandidata sa tagsa-tagsa ka talento nga nag-representar sa ilang mga lugar nga gidala alang sa maong indigay.

-- Advertisement --

Anaa sa napulo ka kandidata ang migula nga gipilian ug usa niini si Dannah Joy nga kon buligan sa higayon,hayan makasulod alang sa semi-final round sa kompetisyon.

Gawas kaniya,wala usab magpa-ulahi si Lea Macapagal sa Dinalupihan, Bataan;Shaila Rebortera sa Cebu;Emmanuelle Vera sa Taguig City;Michelle Arceo sa Quezon City;Sade Nicha sa Muntinlupa City;Shannen Manzano sa Quezon City;Danica Theresa Dilla sa Iriga City;Mara Ruiz sa Bohol ug Esel Ponce gikan sa Iligan City.

Samtang na-presentar na usab ug gipilian kon kinsa ang mosakmit alang sa swimsuit preliminaries sa Cove Manila.

Kini gilakipan nila ni Dindi Pajares sa Bataan,Riana Pangindian sa Bulacan, Asha Gutierrez sa Taguig City, Tracy Maureen Perez sa Cebu, Janelle Lewis sa Angeles City, Pampanga,Michelle Arceo sa Quezon City, Ganiel Krishnan sa Kawit, Cavite,Sade Nicha sa Muntinlupa City, Kathleen Paton sa Aklan ug Emmanuelle Vera sa Taguig City.Himoon ang grand coronation night sa Agosto 8 ning tuiga.