Minor, nalumos-patay sa paglukso sa CdeO river

CAGAYAN DE ORO CITY – Emosyonal ang pamilya sa 17 anyos nga batan-ong lalaki nga nalumos-patay samtang naligo kuyog sa mga barkada sa Cagayan de Oro River ning syudad.

Giila ni CDRRMD head Nick Jabagat ang biktima nga si Clinton Seno nga taga-Zone 5,Calaanan,Brgy Canitoan ning syudad.

Subay sa report,nadani lang ang biktima nga mokuyog sa iyang mga barkada nga mangaligo sa suba.

Sa paglukso niini,wala na makatunga ug dul-an pa sa usa ka oras nga kini narekober sa iyang mga kauban.

Dead on arrival na usab kining nadala sa CDRRMD sa J.R Borja Hospital kagahapon sa hapon.