CAGAYAN DE ORO CITY – Gipanganti ni Police Regional Office 10 Director Brig Gen Rolando Anduyan nga dugang pulis pa ang iyang tangtangon sa trabaho sulod ning tuiga.

Kini ang panganti sa heneral alayon sa kasamtangang gipatuman nga surprise drug test sa mga pulis aron masapon kadtong mga adis -adis sa ilegal nga droga.

-- Advertisement --

Gihimo ni Anduyan ang bahad nunot sa pagkatangtang sa upat ka pulis nga nasapong tiggamitan sa ilegal nga droga sa tuig 2020.

Si Police Regional Office 10 Director Brig Gen Rolando Anduyan

Samtang sa pikas bahin,gilimpyuhan sa kadagkuan sa Roads and Traffic Administration o RTA batok sa mga adik sa ilegal nga droga ang ilang buhatan ning syudad.

Kini human mihimo sa sorpresa nga drug testing ang PDEA-10 sa 40 hangtod 80 ka RTA personnel kagahapong adlawa.

Gibutyag ni RTA spokesperson James Andrade nga tuyo niini nga ilikay sa paggamit o pagbaligya sa ilegal nga droga ang ilang mga personsahe.

Nanganti ang RTA nga pagkapapha sa trabaho ang dangatan sa masapon nga mga empleyado.

Si RTA spokesperson James Andrade

Dumduman nga sa tuig 2020,sunod-sunod nadakpan sa PNP,PDEA ug NBI ang pipila ka RTA personnel nga namaligya ug naggamit sa drogang shabu.