-- ADVERTISEMENT --

CAGAYAN DE ORO CITY – Kasuhan sa paglabas balaod sa anti-used clothings and rugs ang magtiayong Chinese nationals nga nadakpan sa tropa sa Regional Special Operations Unit 10 samtang nagpadagan sa mga ukay-ukay sa warehouse diha sa Pasil-Bonbon road,Brgy Kauswagan ning syudad.

Giila ni Police Regional Office 10 spokesperson Lt Col Michelle Olaivar ang mga suspek sila Sao Yao Hong Atong ug Dan Dan Hong Atong,pulos taga-China apan kasamtangang nag-negosyo dinhi sa dakbayan.

Nakompiskar sa RSOU-10 kuyog ang tropa sa Carmen Police Station ang 203 ka bundle sa ukay-hukay nga dunay balor kapin 700-mil pesos sa dihang gisilbi nila ang court search warrant batok sa mga suspek.

Kasamtangang detinado ang lalaking Intsik samtang pabiling gipangita ang kapikas niini kay wala sa KBP Cargo Logistics Incorporated warehouse sa ilang paglusob kagahapon sa buntag.