-- ADVERTISEMENT --

CAGAYAN DE ORO CITY – Patay ang wala mailang lalaki nga naligsan sa cargo truck sa coastal road sa Agora,Brg Lapasan ning syudad kaganihang buntag.

Kini human kalit nga mihigda ang maong biktima hinungdan naglisod pag-brake ang driver nga si Tristan June Nocentes nga taga-Gaabucayan Street ning dakbayan.

Miingon si Master Sgt Charles Abueza,imbestigador sa Agora Police Station nga hinoon gilayong mitahan ang suspek samtang ang biktima ang anaa sa punerarya sa Northern Mindanao Medical Center kay ipaubos pa sa swab test batok COVID-19 infection.

Samtang nangayo’g pasensiya ang truck driver kon nganong naligsan-patay ang usa ka wala ilhi nga lalaki diha sa coastal road sa Agora,Brg Lapasan ning syudad.

Miingon ang driver nga si Tristan June Nocentes nga daan na niya nakit-an ang biktima apan wala niini mapugngi ang kalit paghigda sa kalsada hinungdan sa hitabo.

-- ADVERTISEMENT --

Hisayrang gikan sa cogon area ug padulong sa agora ang kargo nga truck sa dihang natigayon ang dugong hitabo.