-- ADVERTISEMENT --

CAGAYAN DE ORO CITY – Miduyog sa kasub-anan sa pamilya ug kabanay nga mga Uy si kanhi Phividec administrator Jose Gabriel ‘Pompee’ La Viña bisan kon sila gitakdang magkatigi sa pagka-mayor sa sa syudad sa 2022 elections.

Kini tungod sa sakit nga kamatayon sa anak nila Cagayan de Oro 1st District Rep Rolando ‘Klarex’ ug Carmen Brgy Kapitana Lorna Uy nga si Roland Sherwin ‘Tawee’ Uy.

Miingon si La Viña nga may mando siya sa iyang mga media personality nga dili mag-apil apil sa bisan unsa nga espekulasyon aron ma-ubsan ang gibati nga kasakit sa mga ginikanan ug mga igsoon sa biktima.

Si kanhi Phividec administrator Jose Gabriel ‘Pompee’ La Viña

Siya miingon nga dili sila personal nga kontra ni Klarex apan kutob ra sa politika.Sa laktod,mipatuman sa ‘political ceasefire’ ang panig ni La Viña agi’g pagtahod sa kasub-anan sa mga Uy ug kabanay ning tungura.