CAGAYAN DE ORO CITY – Giimbestigaran sa kapolisan ang pagkakit-i patay sa usa IT specialist sa lokal nga kompanya nga nakabase lungsod sa Opol,Misamis Oriental.

Giila ni Opol Police Station investigator Chief Master Sgt Benhur Peñaloga ang biktima nga si Alain Tan,hingkod ang edad nga taga-Calaanan ning syudad apan nag-abang sa tungod sa iyang trabaho sa maong lungsod.

Miingon si Penialoga nga natingala na lamang ang ka boardmates sa biktima kay wala na kini makamata ug natawag ang ilang atensyon tungod sa pagbagting sa celphone niini.

Si Opol Police Station investigator Chief Master Sgt Benhur Peñaloga

Samtang nagtoo si Opol Health Center officer-in-charge Dr Miguel Degamo nga dunay foul play sa kamatayon sa IT specialist nga nakit-an wala na’y kinabuhi sulod sa gi-rentahan nga kuwarto sa Zone 3,Sitio Binohan,Brgy Taboc sa maong lungsod.

Miingon si Degamo nga tungod kini sa mga ginagmay’ ng samad nga naangkon sa biktima nga si Tan sa dihang nakit-an kaganihang buntag.

-- Advertisement --
SOpol Health Center officer-in-charge Dr Miguel Degamoi

Kini ang hinungdan nga gihimuan pa sa dugang pag-imbestigar ang nahitabo sa biktima.