CAGAYAN DE ORO CITY – Gipalukapa ni pound for pound talent Japanese boxing champion Naoya ‘Monster’ Inoue ang Ostrilyanong boksidor nga si Jason Moloney sa ilang away didto sa Las Vegas,Nevada,USA.

Kini human gitaya ni Naoya ang iyang mga bakus sa WBA/IBF/Ring Magazine bantamweight sa maong away batok kang Jason via 7th round technical knockout.

-- Advertisement --

Sa unang unom ka rounds,nagkabinayluay sa mga kusog nga mga kinomo ang duha ka boksidor apan mas mitigbabaw ang kalig-on ni Inoue diin gipatilaw una niya kini sa sunod-sunod nga knockdowns.

Apan giangkon ni Naoya nga lig-on ang depensa ug naglisod siya pagpasulod sa iyang mga kinomo ngadto kang Moloney.

Dugtong niini,misaka na sa 20 ka pulos daug ug 17 ang knockouts ni Naoya samtang si Jason ang mitala na sa 2 ka pildi,21 ang daug ug 18 usab ang KOs.