CAGAYAN DE ORO CITY – Dunggon na sa committee of the whole ang ‘hook-up’ issue nga giakusar sa usa ka babayeng city scholar batok kang SK Federation President Kag John Michael Seno diha sa city council unya sa hapon.

Gibutyag ni City Councilor Atty Edgar Cabanlas kinsa chairman sa naporma nga komitiba nga napad-an na nila ang isig ka kampo sa imbitasyon aron motunga sa himoong pagdungog kabahin sa maong kontrobesya.

-- Advertisement --

Namahayag si Cabanlas nga mag-agad usab sa masabutan sa mayoriya kon angay ba nga i-abli sa publiko aron masaksihan sa sakop sa media ang himoon nga pagdungog tali sa duha ka panig.

Si City Councilor Atty Edgar Cabanlas

Hisayrang gika-insulto ni alyas Ivy ang gipangayo nga pabor nga magkita sila ni Seno kay nagdala sa sekswual nga panginahanglan ang gusto unta mahitabo niini sa miaging kadlawon sa Marso 26 ning tuiga.