-- ADVERTISEMENT --

CAGAYAN DE ORO CITY – Napalgang-patay ang usa ka ginang sa usa ka WillShire Inn nga nahimutang sa Brgy.32, Aguinaldo St ning syudad.

Gibutyag ni Reynold Cainoy, usa ka roomboy sa nasampit nga inn ug kinsa usab una nakakita sa biktima nga gatakilid-gahigda sa katre nga adunay mibusikad sa wala nga bahin sa iyang dughan.

Samtang sa inisyal nga imbestigasyon nila Cpl Genesis Babanto,imbestigador sa Cogon Police Station 2 nga posible wala’y foul play ang pagkamatay ni Merly Suazo, 50 anyos, dalaga, taga Balulang ning syudad diin gituohan nga gi-atake kini sa gihambin nga balatian.

Nasayran usab sa medical abstract nga narekober sa mga otoridad gikan sa biktima nga anaa kini Breast tumor.

Sa pagkutlo ning balita, nanawag na ug punerarya ang kapolisan ug ipaubos sa autopsiya ang patay’ng lawas sa biktima aron masuta ang tinood nga hinungdan sa kamatayon niini.

-- ADVERTISEMENT --