-- ADVERTISEMENT --

CAGAYAN DE ORO CITY – Napalgang-patay ang babaye nga negosyante human gidunggab sa daghang higayon sa lain-laing parte sa iyang lawas sulod sa iyang tindahan sa Zone 4-A, Igpit, Opol, Misamis Oriental.

Giila ang biktima nga si Melanie Manzano,34 anyos, single mother ug residente sa Bacogong,Brgy Bonbon, Opol,Misamis Oriental.

Gibutyag sa uyoan ni Manzano, kinsa nagdumili sa pagbutyag sa iyang pangalan, nga mahimong dili tulis ang motibo sa pagpatay sa iyang pag-umangkon ingon man nga wala’y mga bililhon nga gamit ang nawala.

Gitoohan usab sa mga kabanay ug silingan sa biktima nga lalaki ang suspetsado sa maong krimen.

Gidala ang biktima sa Northern Mindanao Medical Center o NMMC apan gideklarar nga dead on arrival. Kasamtangan ang patay’ng lawas sa biktima gipaubos pa sa swab test.

-- ADVERTISEMENT --

Samtang giimbestigaran sa kapolisan lisan bahin sa kamatayon ni Manzano, kinsa usa ka negosyante nga gidunggab sulod sa iyang tindahan.

Gibutyag ni Police Chief Master Sgt. Benhur Peñaloga subay sa ilang inisyal nga imbestigasyon, duha ka anggulo ang ilang gitutukan sa posible nga motibo sa wala mailhing suspek, mao ang tungod sa utang o pagpanulis.

Apan miingon si Peñaloga nga dili nila isalikway ang tanan posibilidad sa nahitabong krimen.Samtang, dili pa usab maingon sa kapolisan nga adunay ‘rape’ nga nahitabo kay wala pa’y resulta sa autopsy.

Kasamtangan gahulat pa usab ang mga otoridad sa resulta sa swab test sa patay’ng lawas sa biktima nga anaa sa Northern Mindanao Medical Center ning syudad.

Samtang padayon ang kapulisan sa pagpangita sa nakaikyas nga suspek nga ilang gituohan nga samaran usab sa maong hitabo.