CAGAYAN DE ORO CITY – Gikasubo ni City Mayor Oscar Moreno ang kamatayon sa iyang giila nga su-od nga higala nga si kanhi Misamis Oriental Board Member Jimmy Caiña Sr tungod sa COVID-19 infections ning syudad.

Kini human unang nagtoo ang mayor nga kaya masagubang ni Caiña ang maong sakit tungod usab sa kaisog niini nga proteksyonan ang iyang panglawas.

Miingon si Moreno nga miagi sa sunod-sunod nga operasyon ug seryoso nga balatian si Caiña apan ang bayrus ra ang nakahunos sa kinabuhi niini.

Si City Mayor Oscar Moreno

Una nang nadala sa pila ka adlaw si Caiña sa Northern Mindanao Medical Center tungod sa seryoso nga impeksyon sa COVID-19.