CAGAYAN DE ORO CITY – Palita’g bag-o ni Pres Rodrigo Duterte nga helicopters ang Philippine Air Force o PAF sa dili pa mahuman ang iyang termino.

Kini human nasubo ang commander-in-chief sa AFP sa gidangatang kamatayon sa pito ka sundalo dihang nahagsa ang gisakyang helicopter sa Impasug-ong,Bukidnon sa miaging Enero 16.

-- Advertisement --

Gibutyag ni Duterte nga anaa sa pito ka bag-ong choppers ang iyang paliton aron malikay na sa trahedya sa kawanangan ang mga sundalo.

Si Pres Rodrigo Duterte

Una nang gihatagan ni Duterte sa Order of Lapu-Lapu sila si Air Force pilot Lt Col Arnie Arroyo nga tubong taga- Zamboanga City;co-pilot 2nd Lt Mark Anthony Caabay, PAF gunner Staff Sgt Mervin Bersabe,Air Force 1st Class Stephen Agarrado,Army Sgt Julius Salvado, CAFGU Active Auxilliary members Jerry Ayocdo ug Jhamel Sugalang tungod sa masub-anong hitabo.