CAGAYAN DE ORO CITY – Gitakdang itugyan sa militar sa kapolisan aron kasuhan kon mahuna’g imbestigasyon ang tulo ka sakop sa CPP-NPA’s Southern Mindanao Regional Committee nga ilang nadakpan samtang natigayon ang engkuwentro sa Kitaotao,Bukidnon.

Giila ni 10th ID,Philippine Army spokesperson Maj Jerry Lamosao ang mga naaresto nga sila Leonardo Ejanel alias Gamay,37 anyos;Ryan Desalao ug Merlyn Benano Bentang alyas Lalay, 20 anyos nga tanan residente sa lugar.

-- Advertisement --

Gibutyag ni Lamosao nga natigayon ang engkuwentro tungod sa pagsumbong sa mga sibilyan sa presensiya sa mga rebelde.

Gidapatan usab nila’g medikasyon si Bentang kinsa buros sa lima ka bulan kay samaron sa dihang naabtan sa mga sundalo.

Narekober gikan sa mga rebelde ang tag-duha M-16 ug colt M-16 rifles,sobra 300 ka rounds sa mga bala,kalibre 45,suplay sa pagkaon,tambal ug uba pa.

Si 0th ID,Philippine Army spokesperson Maj Jerry Lamosao

Nasuta nga si Ejanel ang nagsilbing pinakataas nga opisyal sa Southern Mindanao Regional Committee sa CPP-NPA.