-- ADVERTISEMENT --

CAGAYAN DE ORO CITY – Mapun-an pa ang ihap sa drug related death cases nga matug-an atubangan sa publiko nga hinimuan sa pipila ka police operatives palibot sa nasud.

Kini ang giangkon ni PNP chief Gen Guillermo Eleazar nunot sa DoJ war on drugs review nga gipagawas diin nalatid ang daghang kasupakan sa police operations nga nagresulta sa kamatayon sa ubay-ubay’ng drug pusher suspects.

Gihimo ni Eleazar ang pahayag dungan sa iyang command visit sa Police Regional Office 10 diha sa Camp Alagar ning syudad.

Miingon ang heneral nga wala na gikakurat sa PNP ang DoJ review kay daan na kini nga findings sa ilang internal affairs service.

Si PNP chief Gen Guillermo Eleazar

Samtang gimanduan ni Eleazar ang tanang kapolisan nga sundon lamang kon unsa ang ensakto ug gisugo sa balaod nunot sa pagmintinar sa kahusay’g kalinaw dinhi sa nasud.

-- ADVERTISEMENT --

Gihimo sa heneral ang pasidaan dungan sa pag-angkon nga dunay kapalpakan ug abuso nga nahimo ang ilang pipila ka personahe partikular sa paglusad sa anti-drugs operations.

Ang dugang pahayag ni PNP chief Gen Guillermo Eleazar

Miingon si Eleazar nga magsilbi nga hagit kanila ang paglihok sa DoJ aron mas magmatngon sa mga umaabot pang anti-illegal drugs operations nga kalikayan na ang pipila ka kasupakan sa operational protocols.