-- ADVERTISEMENT --

CAGAYAN DE ORO CITY – Ibuga na ni Bb Pilipinas Cinderella Obeñita ang katapusang enerhiya alang sa grand pageant competition sa Ms Inter-continental 2021 sa Sunrise Diamond Beach Resort,Sharm El Sheik nga gabii sa Egypt apan alas 3:00 sa kadlawon na sa Pilipinas.

Kini human natibawas na ang tanang pre-pageant activities ug anaa lang sa pagpaabot sa final presentation sa ilang mga kaugalingon sa maong nasud.

Si Cindy kinsa garbo nga midala sa Cagayan de Oro City,Misamis Oriental ang kabahin sa early favorites sa mga kandidata nga hayan mosakmit sa titulo sa maong indigay ning tuiga.

Gawas nga makatutok niini ang iyang fans dinhi sa syuda ug lalawigan,mas gisundan kini sa iyang Bb Pilipinas family kinsa maoy nagtahas kaniya alang sa pagkuha sa laing korona sa kompetisyon.

Si Cindy kinsa magna cun laude sa iyang college days ug tourism operations officer usab sa provincial govt sa lalawigan ang naghangyo sa mga pag-ampo nga unta moduyog ang kahigayunan pabor sa Pilipinas unyang gabii.

-- ADVERTISEMENT --

Gani,gitahasan usab ni Gov Bambi Emano ang immediate boss ni Cindy nga Atty Jeffrey Saclot nga mobiyahe usab sa pa-Egypt aron ipaambot ang moral support sa katawhan gikan dinhi sa syudad ug lalawigan.

Si Ms Inter-continental Fanni Miko gikan sa Hungary ang gitakdang mota-od sa korona sa mapili nga bag-ong reyna paghuman sa maong indigay.