-- ADVERTISEMENT --

CAGAYAN DE ORO CITY – Dili pa gihapon madawat sa pamilyang Uy ang gidangatan nga kamatayon ni Carmen Brgy Kag Roland Sherwin ‘Tawee’ Uy nga unang gipusil sa motorcycle in tandem suspects sa Brgy Pagatpat ning syudad.

Photos from Cagayan de Oro City,Philippines

Kini ang gipamulong sa nagdanguyngoy nga amahan nga si Cagayan de Oro 1st District Rep Rolando ‘Klarex’ Uy samtang gihalaran sa santos nga misa si Kag Tawee sa Oro Gardens sa Brgy Lumbia ning syudad.

Miingon si Cong Klarex nga maglisod sila’g tukad kon nganong nahitabo kini sa ilang anak apan pugsanon nila gisabot kon unsa man ang tuyo nga mensahe nga gihatag kanila sa kahitas-an.

Si Tawee ug ang caretaker niini kuwarehan ang dungan gipusil-patay sa wala pa mailang mga suspek gamit ang kalibre 45 nga armas sa Brgy Pagatpat sa syudad sa miaging Nob 11 ning tuiga.

Si Cagayan de Oro 1st District Rep Rolando ‘Klarex’ Uy

Samtang giawhag mismo ni Cagayan de Oro Archbishop Jose Cabantan ang kabanay ug mga higala sa pamilyang Uy nga kanunay i-apil sa pag-ampo ang kaluwasan nga dayon sa kalag ni Uy.

-- ADVERTISEMENT --

Kini ang kabahin sa mensahe sa arsobispo kinsa maoy nangulo sa katapusang santos nga misa nga gihalad alang sa kalag ni Tawee.

Si Cagayan de Oro Archbishop Jose Cabantan

Miingon si Cabantan nga unta moabot ang ensaktong panahon nga makab-ot ra ang hustisya nga gitinguha sa pamilya nunot sa nahitabo sa kamagulangang anak lalaki ni Klarex ning syudad.