CAGAYAN DE ORO CITY – Nakig-koordinar si City Police Director Col Aaron Mandia sa liderato ni 4th ID,Philippine Army commander Maj Gen Romeo Brawner Jr ning syudad.

Kini human napatay ni retired Police Senior Master Sgt Amel Petallo ang giingong ‘gun for hire’ nga si Michael Socatre nga taga-Brgy Patag nga mipusil kaniya apan wala makabuto samtang nagpalit sa isda sa Zone 7, Talipapa, Brgy Canitoan ning syudad.

Kini human dunay indikasyon nga usa ka sundalo ang nagtinguha unta sa kinabuhi ni Petallo kinsa kanhi sakop sa Special Weapons and Tactics nga nag-early retire sa tuig 2018.

Una nang napusilan sa biktima ang ulo sa suspek gamit ang 9mm pistol kay wala makabuto ang kalibre 45 nga giti-on unta niini kagahapon sa buntag.

Si City Police Director Col Aaron Mandia

Temporaryong naka-kustudiya si Petillo kang Major Jerson Estanilla, hepe sa Bulua Police Station alang sa dugang imbestigasyon sa hitabo.

-- Advertisement --

Dugtong niini,kanhi sakop sa 4th ID,Philippine Army apan tangtang na sa pagka-sundalo ang suspek nga misulay pagpatay sa retiradong pulis diha sa Brgy Canitoan ning syudad.

Kini ang gikompirmar ni 4th ID Philippine Army spokesperson Major Francisco Garello Jr nunot sa pipila ka gamit pang-sundalo nga nakita sa lawas ni Socatre kagahapon sa buntag.

Miingon si Garello nga napapha sa pagka-sundalo tungod sa pagka-konbikto sa kasong grave misconduct samtang aktibo pa kini sa serbisyo kaniadto

Si 4th ID Philippine Army spokesperson Major Francisco Garello Jr

.Gitin-aw usab ni Garello nga wala sila’y gikonsinte nga mga sakop kon makahimo’g mga pagsupak sa balaod.