CAGAYAN DE ORO CITY – Giangkon ni City Mayor Oscar Moreno nga nagkasumpaki sila ni kanhi City Health Office head Dra Lorraine Nery sa mga paagi kon unsaon nga epektibo mabatukan ang nagka-grabe nga kaso sa COVID-19 sa dakbayan.

Kini ang tinamban nga pagpasabot ni Moreno human nga mikanaug sa katungdanan si Nery ug mibalik sa iyang naandan nga posisyon sa CHO ning syudad.

-- Advertisement --

Miingon ang mayor nga dili sa tanang higayon nga ikasinabot niini ang iyang mga kauban sa trabaho tungod kay may mga lakang usab nga angay hatagan sa igong pagtagad epekto sa bug-at na kaayo nga sitwasyon sa dakbayan.

Si City Mayor Oscar Moreno

Una nang mikatag ang mga impormasyon nga dunay panagbangi sulod sa local IATF nga nag-resulta sa pag-relenquish ni Nery sa katungdanan sa miaging semana.