CAGAYAN DE ORO CITY – Dili babagan ni City Mayor Oscar Moreno ang bisan kinsa nga residente o grupo nga molusad sa community pantry nga nagtumong pagtabang sa katawhan nga grabeng apektado sa pandemya nga dala sa COVID-19 sa dakbayan.

Pictures are from the original owner

Kini human miani’g lain-laing reaksyon ang maong inisyatiba nga unang gilusad sa pipila ka indibidwal sa kauluhan epekto sa duha ka semana nga enhanced community quarantine.

-- Advertisement --

Miingon si Moreno nga maayo ang tuyo niini apan siya nagpadumdom sa organizers nga dili mangahas sa pagsupak sa batakang balaod ug gabayan sa minimum health protocols nga gipatuman sa dakbayan batok COVID-19.

Si City Mayor Oscar Moreno

Samtang giaghat sa liderato sa simbahang Katolika ang iyang mga parokya nga mohimo usab sa community pastries isip pagtubag sa dakong panginahanglan sa mga parokyano ning panahon sa krisis sa nasud.

Kini human aghata ni Manila Archdiocese Auxiliary Bishop Broderick Pabillo ang mga kasimbahanan sa paglusad sa maong inisyatiba alang sa katawhan.

SiFr Jerome Secillano,executive secretary sa CBCP Public Affairs Committee

Gibutyag ni Fr Jerome Secillano,executive secretary sa CBCP Public Affairs Committee nga paagi usab kini sa mga simbahan aron mabati sa katawhan nga wala sila pasagdi bisan sa kalisod sa kahimtang sa nasud.