CAGAYAN DE ORO CITY – Nagkainitay sa laing sa higayon si City Mayor Oscar Moreno ug Provincial Gov Bambi Emano tungod sa nagsaka nga kaso sa COVID-19 sa syudad.

Kini human subli giaghat ni Emano ang katawhan sa probinsya nga likayan una ang pagsulod sa syudad kon walay importanteng mga katuyuan aron dili matakdan o makatakod sa mga residente.

-- Advertisement --

Gibutyag ni Emano nga sa maong paagi,makuhaan ang tsansa nga may dugang matakdan sa maong sakit.

Si Provincial Gov Bambi Emano

Samtang gitawag ni Moreno si Emano nga wala pa gihapon makat-on sa tinud-anay nga kahimtang ug pagsulbad sa suliran nga dala sa COVID-19 sa Misamis Oriental.

Kini human gipamugos ni Moreno nga mas ubos ang mga kaso sa syudad itandi sa ubang highly urbanized city sa nasud.

Si City Mayor Oscar Moreno

Gibutyag ni Moreno nga unta ipadaplin ni Emano ang pagpamolitika aron dili mosamot pagkabahin-bahin ang katawhan.