-- ADVERTISEMENT --

CAGAYAN DE ORO CITY – Naghatag sa dakong garbo alang sa rehiyon sa Asya ang pagkapili ni US vice election California Sen Kamala Harris sa Amerika.

Kini ang reaksyon ni City Mayor Oscar Moreno sa kadaugan ni Harris kinsa may kagikan sa India ug Jamaica nga nagsilbing labing una nga bise-presidenteng babaye sa maong nasud.

Gibutyag sa mayor nga masaligon siya nga mas molig-on pa ang proteksyon nga mahatag sa tanang immigrants tungod sa pagkapili ni Harris.

Si City Mayor Oscar Moreno

Samtang nagtoo usab si Provincial Gov Bambi Emano nga mas mapalig-on pa sa Amerika ug Pilipinas ang bilateral relations nga maghatag kaayuhan sa katawhan ilabina sa syudad ug lalawigan.

Si Provincial Gov Bambi Emano

Siya miingon nga sama sa ubang lideres,magbaton sa daghang kaayuhan pa ang Pilipinas tungod sa ‘global perspective’ ni US President elect Joe Biden diin ang Pilipinas ang usa sa mga lig-ong alyado sa Amerika.

-- ADVERTISEMENT --