CAGAYAN DE ORO CITY – Gitutukan sa fire investigator ang posibilidad nga upos sa sigarilyo ang hinungdan sa pagkasunog sa usa ka ‘pad’ diha sa Zone 3, Brgy, Bugo ning syudad kaganinang buntag.

Namatay sa maong sunog ang Canadian national nga si Joseph William Tweedie, 69-anyos, nga taga Vancouver, Canada.

-- Advertisement --

Wala nakagawas sa iyang lawak ang langyaw kay may kabilinggan kini sa panglawas.

Gibutyag ni SFO3 Gilbert Mordeno, imbestigador sa Puerto Fire Station nga ila usab gitutukan ang anggulo nga faulty electrical wiring ang hinungdan sa pag-ulbo sa kalayo.

Si SFO3 Gilbert Mordeno, imbestigador sa Puerto Fire Station

Gibana-banang 40-mil pesos ang ‘structural damaged’ sa sunog.