-- ADVERTISEMENT --

CAGAYAN DE ORO CITY – Gipaubos sa semi-lockdown ang Bureau of Fire Protection o BFP -Cagayan de Oro diha sa Cogon area ning syudad.

Kini human kompirmaha ni BFP City District Fire Marshall Supt Allan Cabut nga positibo sa bayrus ang usa sa ilang operation responder sa coronavirus disease.

Miingon si Cabut nga sa pito ka personahe nga ilang gipaubos sa swab test,milugwa nga dunay usa nga anaa na karon sa city isolation unit nga gidumala sa dakbayan.

Si BFP City District Fire Marshall Supt Allan Cabut

Gipasalig usab sa opisyal nga mohimo sila sa dugang mga lakang aron proteksyonan ang ilang mga personahe nga kabahin sa frontliners nga nakigbatok sa bayrus.