-- ADVERTISEMENT --

CAGAYAN DE ORO CITY – Gihagit ni retired PRO 10 Director Brig Gen Rolando Anduyan nga labwan pa sa mga aktibong pulis kon unsa man ang iyang nahimo sa organisasyon ilabina ang pagsumpo sa nagkadaiyang porma sa kreminalidad dinhi sa nasud partikular sa Northern Mindanao.

Kini ang iyang gibilin nga mensahe atubangan sa kadagkuan sa Police Regional Office 10 nga dumalahon ni Brig Gen Benjamin Acorda Jr nga gikan sa NCR Police Office.

Miingon si Anduyan nga nagpasalamat kini sa suporta nga nakuha gikan sa militar ug ubang ahensiya sa gobierno aron mamintinar ang kahusay ug kalinaw sa rehiyon.

Retired PRO 10 Director Brig Gen Rolando Anduyan (Photos from LTC Michelle Olaivar of RIO-10).


Samtang giangkon ni Acorda nga lisod apson ang gibilin nga performance sa iyang gihulipan nga si Anduyan.

Apan miingon si Acorda nga kon unsa man ang mga programa sa PNP partikular sa PRO-10 ang gatos porsiento kini nga ilang sundon dinhi sa rehiyon.

-- ADVERTISEMENT --

Miingon si Acorda nga kuyog sa kooperasyon sa PRO-10 personnel,makab-ot ila ang maayo gihapon nga performance ilabina ang pagmintinar unya sa hapsay nga eleksyon sunod tuig.

Si Anduyan ang PMA Class of 1990 samtang nagsunod nga tuig usab naggikan si Acorda.

Hisayrang gipaabot usab ni Anduyan kon unsa ang iyang giantos nga kalisod kaniadto sa gamay pa ug nasamutan pa gyud sa pagbulag sa kaugalingon niyang mga ginikanan sa Iligan City.