CAGAYAN DE ORO CITY – Gipanghamakak sa liderato sa 4th ID,Philippine Army nga guba ang C-130 plane nga nasakyan sa halos gatos ka sundalo nga naglakip na sa mga piloto ug crew rason nga nahagsa sa Patikul,Sulu sa miaging adlaw’ng Domingo.

Gihimo ni 4th ID commander Maj Gen Romeo Brawner Jr ang katin-awan nunot sa nasulti ni late PFC Vic Monera sa iyang inahan nga sa adlaw’ng Sabado pa unta sila nakabiyahe padulong Sulu apan nasibog sa pagka-Domingo kay dunay depekto ang eroplano.

-- Advertisement --

Miingon si Brawner nga igo sa kapas ang Philippine Air Force aron masiguro nga luwas ang mga sundalo nga mosakay sa ilang mga eroplano.

Si 4th ID commander Maj Gen Romeo Brawner Jr

Hisayrang si Brawner kuyog ang iyang pamilya ug AFP staff ang unang nakasakay sa maong eroplano gikan sa Villamor Airbase padulong sa syudad ayha gihatod ang mga sundalo sa Sulu.