CAGAYAN DE ORO CITY – Giisa sa militar ug kapolisan ang taas nga alerto paghatag seguridad batok sa himoong pagpanghasi sa CPP-NPA sa nagkaduol nila nga anibersaryo sa Disyembre 26 ning tuiga.

Miingon si Defense Sec Delfin Lorenzana nga nabatasan sa maong grupo nga mohimo’g pag-atake sa dili pa o paghuman sa ilang kasumaran ngadto sa puwersa sa estado.

-- Advertisement --

Kini ang hinungdan nga wala sila’y gi-rekomendar sa ceasefire kang Pres Rodrigo Duterte sa pikas grupo partikular sa pagsaulog sa pasko ug pagsugat sa bag-ong tuig.

Si Defense Sec Delfin Lorenzana

Samtang naka-full alert status na ang Police Regional Office 10 aron paghatag seguridad sa katawhan samtang itamod ang kapaskuhan ug pagsugat bag-ong tuig sa rehiyon.

Kini ang rason nga gimando ni PNP Chief Gen Debold Sinas nga dili sampungan ang mga bukas sa armas sa mga pulis sa mga probinsya.

Gibutyag ni PRO 10 regional director Brig Gen Rolando Anduyan nga naghatag na siya’g direktiba sa lima ka provincial directors sa angay buhaton pagsanta sa himoong kasamok sa mga rebelde.

Si PRO 10 regional director Brig Gen Rolando Anduyan

Una usab niini,gibutyag ni PRO-10 spokesperson Capt Francisco Sabud Jr nga mokatag ang Camp Alagar sa igong ihap sa mga pulis aron mohimo’g police visibilit.

Si PRO-10 spokesperson Capt Francisco Sabud Jr

Kini partikular nga gamiton sa misa de gallo nga sugod Disyembre 16 hangtod 24 ning tuiga.