-- ADVERTISEMENT --

CAGAYAN DE ORO CITY – Nawad-an sa pinuy-unan ang pito ka pamilya sa pagtamod sa adlaw sa mga santos ug kalag tungod sa sunog diha Phase 3 NHA,Brgy.Kauswagan ning syudad.

Gibutyag ni Cagayan de Oro City – District Fire Marshall Supt Allan Cabot nga gipanag-iya ni Anecita Quiacao ang naugdaw nga pinuy-anan diin nanimuyo ang maong mga pamilya.

Miingon si Cabut nga imbestigaran pa nila ang pasangil sa house renters nga ang wala napalong nga kandila sa tag-iya sa balay ang hinungdan sa maong sunog kagabii.

Hinoon,walay kinabuhi nga nakalas sa maong sunog diin mitala sa estimated damage nga dul-an sa tunga sa milyon ka pesos.

Si Cagayan de Oro City – District Fire Marshall Supt Allan Cabot

Gi-depensa usab ni Cabut ang pasangil nga nalangan ilang ang pag-responde bisan sa kaduol sa lokasyon sa BFP-Kauswagan Fire Station.

-- ADVERTISEMENT --