CAGAYAN DE ORO CITY – Naugdaw ang lima ka balay samtang partial nga damyos usab ang laing duha sa sunog nga natigayon sa Brgy Tablon ning syudad kagahapon sa hapon.

Gibutyag ni BFP Tablon Sub-Station investigator SFO1 Dave Mabulay nga nagsugod ang kalayo sa pinuy-anan nga walay tawo ug gipanag-iyahan ni Mirasol Garcia.

-- Advertisement --

Paspas ang pagkaylap sa kalayo hinungdan nadamay ang pamilyang Jonrel ug Isi Adem;Milina Ayala;Rebecca Daumar;Charina Ardonia ug Merlyn Payla.

Si BFP Tablon Sub-Station investigator SFO1 Dave Mabulay

Hinoon,walay kinabuhi sa tawo nga nadamay apan mga pipila ka binuhing mga mananap ang naapil pagkasunog.Giimbestigaran pa ang maong sunog nga mitala sa kapin 20-mil pesos nga structural damage.