-- ADVERTISEMENT --

CAGAYAN DE ORO CITY – Gihulat na lamang sa PNP ang ilugwa nga commitment order gikan sa korte aron ibalhin na sa provincial jail ang unom ka gitoohang sakop sa CPP-NPA-NDF nga nadakpan sa checkpoint sa highway sa Lagonglong,Misamis Oriental ning semanaha.

Kini maoy gibutyag ni Polic Regional Office 10 spokesperson Lt Col Michelle Olaivar nga nakasuhan na usab ang mga dinakpan sa piskalya ning syudad.

Una nang giila sa militar ug kapolisan ang mga suspetsado nga sila si Jemar Hilogon alyas Siatam nga kumander sa Platoon Cherry Mobile sa Guerilla Front Huawei sa North Central Mindanao Regional Committee;Rubensito Hilogon alyas Mikot,Jobert Hilogon alyas Janggo,Alice Calimbay Hilogon alyas Amy;Jocelyn Hilogon Cabusog alyas Ela ug isang menor de edad nga pulos nagpuyo sa lalalawigan.

Sila miboluntaryo pagtug-an usab sa mga otoridad nga nagbaton sila sa M-14;Garand rifle;AK-47 rifle;duha ka rifle grenades ug klase-klaseng mga bala.

Kini ang hinungdan nga gikasuhan sila sa mga otoridad tungod sa pagbaton sa maong mga armas.

-- ADVERTISEMENT --