CAGAYAN DE ORO CITY – Gitangtang ni Police Regional Office 10 Director Brig Gen Rolando Anduyan ang upat ka pulis nga nasapon nga aktibo sa paggamit sa ilegal nga droga sa rehiyon.

Kini nunot sa walay hunong nga paglusad sa anti-drug testing sulod sa PNP aron malimpyuhan batok sa pipila ka drug users ang ilang hanay.

-- Advertisement --

Gibutyag ni PRO 10 spokesperson Capt Francisco Sabud Jr nga usa sa mga nasapon ang hingpit nang giwagtang sa serbisyo samtang ang tulo ang ubos pa sa proceeding.

Si PRO 10 spokesperson Capt Francisco Sabud Jr

Nanganti ang PRO 10 nga magpadayon ang paglimpyo sa ilang buhatan batok sa pipila ka pulis nga anaa sa maong bisyo.