-- ADVERTISEMENT --

CAGAYAN DE ORO CITY – Hingpit nang gidawat balik sa gobierno ang 30 ka NPA rebels nga unang mitahan sa ilang kaugalingon ug gisalikway ang idolohiya sa CPP-NPA-NDF sa Bukidnon.

Kini human gi-presentar sa 4th ID,Philippine Army pinaagi sa 403rd IB sa maong mga rebelde nga gikan sa nagkadaiyang unit sa NPA kaganihang buntag.

Miingon si 4th ID commander Maj Gen Romeo Brawner Jr nga gawas sa salaping cash nga gihatag sa kagamhanan sa mga rebelde alang sa pagsugod sa ilang panginabuhian,tunulan usab sa scholarship program ang mga anak niini.

Giaghat ni Brawner ang ubang mga rebelde nga motahan na balik sa gobierno aron matagamtam ang tinud-anay nga serbisyo niini.

Si 4th ID commander Maj Gen Romeo Brawner Jr

Samtang tunulan usab ni Bukidnon Gov Jose Maria Zubiri sa mga bag-ong balay ang 30 ka NPA rebels nga mibalik na sa gobierno.

-- ADVERTISEMENT --

Kini ang saad ni Zubiri sa mga rebelde kinsa pormal nang misalikway sa mga bakak ug propaganda sa pundok sa mga komunista.

Si Bukidnon Gov Jose Maria Zubiri

Miingon si Zubiri kinsa anaa sa iyang katapusang termino pagka-gobernador nga duawon niya ang gipanag-iya nga luna sa probinsya ugmang adlawa aron masuta kon pila ka ektarya pa ang mahimong puy-an sa mga rebelde.