CAGAYAN DE ORO CITY – Nangita karo’g boxing sponsors aron mahinayon ang rematch tali WBA minimumweight champion Vic Saludar ug kanhi undefeated boxer Robert Paradero nga laraw himoon dinhi sa Cagayan de Oro City.

Kini human gipangayo sa kampo ni Paradero nga magka-rematch sila ni Saludar epekto sa dikit nga resulta sa away diin naghatag sa nagkadaiyang reactions sa fans ug boxing analysts sa Binan football stadium,Laguna niadtong miaging Pebrero 20.

-- Advertisement --

Gibutyag sa boxing promoter nga si Bebot Elorde nga gusto niya dad-on ang away alang sa boxing fans sa Cagayan de Oro apan nagkinahanglan kini sa igong sponsors aron makalahutay ang posibleng rematch sa duruha.

Una nang nagpaulan sa mga pungasi nga kinomo si Paradero apan walay epekto kang Saludar ug hinoon,nakuha pa niini ang duha ka last two rounds sa away.

Kini ang hinungdan nga mitigbabaw ang pagka-beterano ni Saludar ug nakuha ang duha ka pabor nga hukom sa judges samtang usa lamang kang Paradero.Natapos ang dula sa 115-113, 116-112 pabor kang Saludar samtang 118-110 alang kang Paradero.