CAGAYAN DE ORO CITY – Gipasalamatan sa duha ka amasona ang kasundaluhan ingon man ang medical frontliners nga instrumento nga madugtungan pa ang ilang kinabuhi gikan sa ilang pagkasamdan sa miaging mga engkuwentro sa Bukidnon.

Kini human wala sila pasagdi sa pag-atiman sukad nadala sa Camp Evangelista Station Hospital sulod sa 4th ID,Philippine Army sa Brgy Patag ning syudad.

Miingon sila Lody Han-ayan Amildon alyas Diane ug Mary Joy Arevalo Antiha alias Nikki nga utang nila ang ilang kinabuhi sa mga sundalo nga paspas nga mikarga kanila sa helicopter aron makaabot sa ospital tungod sa ilang mga igo nga naangkon.

Miingon si 4th ID,Philippine Army commander Maj Gen Romeo Brawner Jr nga mga propesyonal ang mga sundalo ug dunay pagtahod sa international humanitarian law hinungdan giluwas nila sila si Diane ug Nikki.

Nangasamdan ug gipang-biyaan sa ilang mga kauban sila si Amildon ug Antiha sa dihang natigayon ang magkalahi nga engkuwentro sa Impasug-ong ug u San Fernando,Bukidnon ning bulana lamang.

-- Advertisement --