LEGAZPI CITY – Niyanig ng magnitude 5.0 na lindol ang ilangl lugar sa Bicol bandang alas-4:08 ng madaling araw.

Naitala ang epicenter ng pagyanig sa layong 75 kilometro sa hilagang-kanluran ng Pandan, Catanduanes.

May lalim itong 18 kilometro at “tectonic in origin.”

Naitala rin ang Intensity II sa Iriga City at Pili Camarines Sur; Jose Panganiban, Camarines Norte at Instrumental Intensity I sa Mauban, Quezon.

Naramdaman ang pagyanig sa Intensity II sa Paracale, Camarines Norte at Bula, Camarines Sur.

Inaasahan din ang mga kasunod na aftershocks ng naturang pagyanig habang hindi naman inaasahan ang pagkasira ng mga ari-arian.