BUTUAN CITY- Gikumpirma ni Agusan del Sur Governor Santiago Cane Jr., nga aduna na’y walo ka kaso sa Delta variant sa coronavirus disease sa ilang probinsya partikular sa lungsod sa San Francisco.


Tungod niini gikalabak-ang mas mudaghan pa ang mataptan sa maong variant human nga kini karon ang gikutay nga rason sa grabe kapaspas nga pagsaka sa COVID-19 cases sa maong probinsya.

CTTO


As of kagahapon adlawa Huwebes, Septyembre 16, 2021, adunay natala nga 91 ka mga bag-ong kumpirmadong kaso sa COVID-19 ang Agusan del Sur kondiin sa maong ihap, 54 ang gikan sa lungsod sa Veruela, samtang ang Rosario, San Francisco, ug Bayugan City adunay tag-pito ka kaso, Bunawan-6, Prosperidad-5, Esperanza-3, ug tag-usa ka kaso sa Loreto ug Trento.

Sumala pa Provincial Health Office, sa mga bag-ong nag-positibo; 23 ang kumpleto na sa bakuna rason nga sila mga asymptomatic ug mild to moderate symptomatic lamang ang nasinatian samtang 66 usab ang wala pa mabakunahi rason nga ang uban kanila anaa sa severe ug ciritical nga kondisyon.


Nagtaho usab hinuon og 85 ka nagrecover nga kaso apan adunay dugang nga 4 ka kumpirmadong kaso sa COVID-19 ang mipanaw na.

-- Advertisement --

Sa kinatibuk-an , aduna nay 8,942 ka kumpirmadong kaso ang atong Agusan del Sur sa maong ihap 2,314 ang aktibo, 6,385 -nagrecover,ug 243 ang mga namatay.