BUTUAN CITY – Gitu-uhang wala pa ma-anod sa dagat ang patay’ng lawas sa 11-anyos nga si Aron James Suhaya.

Photo: CTTO

Kini ang pagtuo sa iyang ig-agaw nga si Reynante Emberda Jr. kinsa maguwang sa tulo ka manangsoong nalumos.

-- Advertising --

Sa eksklusibong pakighinabi sa Bombo Radyo Butuan, gipadayag ni Emberda nga daan nang gibadlong ang mga biktima nga dili mu-adto sa suba tungod kay ulan og wala’y makabantay kanila apan nagpadayon gihapon sila.

Dugang pa ni Reynante, kada-adto sa mga biktima sa maong suba, ubanan niya kini aron duna’y makabantay kanila apan niadtong tungura lang wala siya maka-uban tungod sa kawala na’y masuot nga sinina higayong mabasa siya.

Photo: CTTO

Wala usab matud pa’y mga silingang nakabantay sa mga biktima tungod kay wala manggawas sa balay tungod sa kusog nga uwan rason nga ulahi na dihang nakitang gipang-anod na sila.