BUTUAN CITY – Daan nang gila-uman sa tanan ilabina sa mga sakop sa Kabus Padatoon kon KAPA Community Ministry International ang wala na usab pagpatim-aw kaganina ni KAPA founder Joel Apolinario og sa iyang mga ka-ubanang opisyal, sa ikaduhang preliminary investigation sa Department of Justice kon DOJ kaganina.

Sa eksklusibong pakighinabi sa Bombo Radyo Butuan, gipadayag ni Bombo Radyo Gensan station manager Janjan Macailing nga daan na kining gila-uman sa mga KAPA members sa SOCKSARGEN area kinsa nagtuong dili na magpakita pa kanila ang KAPA founder.

-- Advertising --

Gani, ang pagtuo sa uban, nakagawas na kini sa nasud. 

Dugang pa ni Macailing, daan nang wala mupatim-aw sa korte si Apolinario atol sa una untang hearing sa kasong gipasaka niini batuk kang Macailing didto sa GenSan niadtong Hulyo 3 kalabot sa pag-frame up ni Apolinario kanila.  

Susamang rason ra ang gihatag sa kampo ni Apolinario kalabot sa wala nila pagtunga kaganina sa preliminary investigation sa DOJ og sa hearing sa kasong gipasaka ni Apolinario batuk kaniya og kini mao matud pa ang  mga bahad sa kinabuhi nga iyang na-angkon.