BUTUAN CITY – Ipadayon sa lokal nga kagamhanan ning siyudad sa Butuan uban sa mga personahe sa Department of Health kon DOH-Caraga karong Mayo 31, adlaw nga Lunes ang vaccination roll out alang sa mga nabilin pang senior citizens.

Photo: CTTO

Himuon sa tulo ka mga evacuation centers kondiin ang mga taga-Ampayon Health District, didto magpabakuna sa Robinsons Place Butuan, samtang ang mga taga-Libertad District, himuon usab sa FSUU Morelos gym ug ang taga-Obrero District himuon sa SM City Butuan.

-- Advertising --

Sa pagkakaron, mi-abot na sa 12,759 ka mga indibidwal ning syudad sa Butuan ang natupukan na og COVID-19 vaccine, base sa datus gikan sa Department of Health kon DOH-Caraga sa ilang listahan as of kagahapong adlawa, Mayo 28.

Ang maong ihap, nakadawat sa unang dose sa bakuna nga Sinovac ug ang uban nakakuha sa Astra Zeneca. Samtang ang mga nakakuha na sa ikaduhang dose, mi-abot na usab sa 1,639. Ang mga magpabakuna pa karong Lunes, mukuha lang og gate pass sa ilang barangay hall adiser mu-adto sa vaccination post.

Photo: CTTO