BUTUAN CITY – Nanumpa na atubangan sa katawhan ilabina sa mga netibo sa Brgy. Anticala ning siyudad sa Butuan kagahapon si University of the Philippines kon UP President Atty. Angelo ‘Jijil’ Jimenez kansa dugay na niyang giplano.
Nanumpa siya kangi Kapitan Antonio Masamayor nga gisaksihan usab sa mga residente.
Sa eksklusibong pakighinabi sa Bombo Radyo Butuan, gipadayag ni Atty. Jimenez nga nasayod siyang duna pa’y mas qualified kaniya nga mahimong presidente sa UP apan tungod sa grasya, didto kini napadulong kaniya.
Daghan na matud pa siya’g nakat-unan sa iyang kinabuhi ug tungod kay kaniya man gisalig ang maong posisyon, andam siyang himuon ang iyang trabaho dili lang tungod ug alang sa iyang dungog kondili aron dili matud pa ma-ulawan ang dakbayan sa Butuan diin siya naggikan.
Gi-ubanan si Jimenez sa iyang entourage nga gilangkuban usab nila Executive Vice President Pepe Alcantara, UP Chairman ug kanhi National Food Authority kon NFA Administrator Renan Dalisay, UP Men’s Basketball Team Manager ug kanhi Customs Deputy Commissioner Atty. Ags Uvero, uban sa iyang mga ig-agaw nga sila Neil Medado ug Ronnie Azura, igsoong si Sarcee ug uban pang mga incoming presidential staff.
