BUTUAN CITY – Padayon pang gipangita ang nahibiling mga suspek sa makasaysayanong Maguindanao massacre nga nahitabo 12 ka tuig na ang nakalabay.

Sa ekslusibong pakighinabi sa Bombo Radyo Butuan kang Presidential Task Force on Media Security kon PTFOMS executive director Undersecretary Joel Egco, gibutyag niining mi-undang na ang ilang buhatan pagtabang sa mga kabanay sa mga biktima pag-angkon og hustisya sa ilang nadangatan dungan sa pagdumdom sa anibersaryo sa massacre karong adlawa.

Kini human nga na-convict na ang pamilya Ampatuan niadtong Disyembre 19, 2019 sa regional trial court nga naghatag og pag-ila sa nasud sa global intelligent index niadtong 2020.

Madumdumang mikabat ngadto sa 31 ka mga tigbalita ang patay sa maong insidente apan ning kasamtangan aduna pa’y usa ka patayng lawas nga lakip sa gipatay ang wala pa makaplagi.

Dugang pa nga ning tuiga lamang, nasikop ang 4 ngadto sa 5 ka mga suspek sulod sa 80 ka nalambigit nga indibidwal nga padayong pang gipangita.

-- ADVERTISEMENT --

Apil sa himuon karong adlawa ang candle lighting activity, vigil ug ubang pa ng aktibidades ang tagsa-tagsa ka pamilya sa mga biktima.

Madumdumang nag-ugat ang massacre sa panagbangi sa politika sa duha ka magkaatbang nga pulitikong Ampatuan ug Magundadato niadtong panahaon sa eleksyon sa Nobyembre 20, 2010 nga miresulta sa pagpatay sa pipila ka mga tigbalita.

Gipahinumdom usab ni Egco nga kinahanglang mabinatayon ang matag-usa ilabina sa mga media tungod kay nagkaduol na usab ang eleksyon kondiin sentro sa himoong instrument ang media aron ipakatag ang hugaw nga paagi sa politika.