BUTUAN CITY- Malaumon si Caraga Transport Service Federation President Juanito Ubas nga ma-aprubahan na sa Regioanal Inter Agency Task Force ang ilang resolusyon nga nagdusong mapasaka sa 70 percent ang setting capacity sa mga pampublikong sakyanan sa rehiyon.

Gihimo ni Ubas ang pamhayag human na usab sa pagpatuman sa maong taas-taas nga setting capacity sa mga PUV sa ubang rehiyon sa nasud.

Sumala kang Ubas napasa na sa Regional IATF ang ilang resolusyon ug gipa-abot na lamang nila kung kanusa kinig ma-arprubahan.

Sigon sa opisyal higayon ma-aprubahan na ang maong resuloson tataw nga makatabang gayod kini og dako sa mga PUV drivers labi na sa kay misaka usab ang presyo sa gasolina.

Maayo nalang matod pa kini nga regalo sa kapaskuhan sa mga driver sa ingon nga makabawi-bawi sa alkansi sa halos magduha ka tuig nang pagpatuman lamang sa 50 percent capacity sa mga sakyanan.

-- ADVERTISEMENT --

Alayon niini gibutyag ni Ubas nga abri hinuon matod pa ang LTFRB-Caraga sa ilang giduso nga resolusyon ug gihulat nalang gayod ang aprroval sa IATF adiser kini mapatuman.