BUTUAN CITY- Wala magdahom ang usa ka thyroid cancer patient nga si Keano Reeves Collado nga mupasar ug malakip sa Top 10 Forester Licensure Examination (FLE) ning buwana.

Si Collado kansa nahuman sa kursong Bachelor of Science in Forestry sa Caraga State University ning syudad sa Butuan niadtong Agosto.

Una niini, gisay-say sa studyante pinaagi sa iyang Facebook post, ang upat niya ka tuig karun nga pakig-away sa stage 2 thyroid cancer. 

Base sa iyang post, 5 ka adlaw human kini na-diagnose sa sakit, mipailalom gilayon kini sa 13-hour surgery.

Gani dili na usab kini maka storya human ang operasyon tungod sa naapektuhan ang iyang vocal cords sa mga tumor apan dihang naka storya na siya dakong pasalamat ang nabungat niini.

-- ADVERTISEMENT --

Tungod niini, nahimong pamaagi niya kini aron ipadayon ang iyang pagtuon human nga naka-undang siya tungod sa iyang sakit.

Gani sa matag mo-mata matud pa siya permi niyang pasalamatan ang Ginoo tungod sa paghatag kaniya og laing adlaw aron ma-enjoy ang kinabuhi.

Hinungdan nga nabutyag usab niya sa iyang mga pag-ampo nga “Lord, this coming Board Exam, I will only accept Top Notcher.”

Sa karun nga mipasar siya, mahimong maka-focus na siya sa iyang pagpaayo.