BUTUAN CITY – Gipangunahan ni Mayor Ronnie Vicente Conde Lagnada sa Team RCL ang pag-file og certificate of candidacy kon COC kaganinang sa mahimong pambato ning siyudad sa local positions alang sa May 2022 local ug national elections.

Una silang midalikyat sa buhatan sa COmmission on Elections kon COMELEC-Butuan adiser midalikyat sa provincial office sa Agusan del Norte alang sa pag-file usab og COC ni Vice Mayor Jose ‘Joeboy’ Aquino aron mudagan pagka-kongresista ning siyudad ug unang distrito sa Agusan del Norte.  

Hulipan ni Aquino si last-termer Congressman Lawrence Lemuel Fortun nga mao usa’y mudagan pagka-besi mayor ning siyudad. Sa iyang pag-atubang sa mga tigbalita, gipadayag ni Mayor Lagnada nga karon pa lang, wala’y angayang kabalak-an ang Team RCL tungod kay kasayod sila sa ilang kapasidad ilabina nga nakita sa katawhan kung unsa ang performance sa iyang administrasyon sa nakalabay nga kapin lima ka tuig.

Kamatu-uran matud pa sa ilang ka-kampante ang wala nila pagtubag sa mga isyung gibato kanila sa ilag ka-atbang nga mao ang team Naay Bag-ong Paglaum kon Team NBP pagpanguna sa broadcaster nga si mayoralty candidate Norbert Pagaspas.

Wala kini mangampanya sa mga Butuanon nga sila ang botoran hinuon gipadayag niini nga katungod sa matag-usa kung kinsa ang gusto nilang pilion sa mga posisyong gusto nilang mabutangan og opisyal.

-- ADVERTISEMENT --

Ang iya lang pahimangno sa mga Butuanon nga dili magpa-ilad sa mga istorya lang ug lantawon ang mga buhat ug dili kay maminaw sa mga isotryang dako matud pang bakak.

Wala matud pa’y nalilong sa katawhan ubos sa iyang administrasyon tungod sa mga kalampusang ilang nahatag ning siyudad ilabina sa natad sa fiscal management ug ekonomiya.

Nalawgaw lang kini dihang mi-igo na ang COVID-19 pandemic kansa wala damha sa tibuok kalibutan. Ang panghinaut lang ni Mayor Lagnada nga matabangan ang city government sa nasudnong kagamhanan sa COVID-19 response niini ilabina sa pag-purchase og bakuna tungod kay duna’y igong kwarta ang siyudad alang niini.