BUTUAN CITY – Wala’y nabating tensyon ang katawhan sa Taiwan bisan pa man sa pamahayag sa China nga desidido silang ire-unite kini ngadto sa main land.

Sa eksklusibong pakighinabi sa Bombo Radyo Butuan, gipadayag ni Gina Lin, Pinay police and court interpreter sa Taiwan, daan na kini nga isyu kansa buhion matud pa sa China higayong duna’y ilang himuong eleksyon.

Gani, manghulga pa ang China nga sulungon sila ug pinaka-ulahi niini ang pagpalupad sa China sa ilang mga fighter jets diha sa kawanangan sa island nation kansa wala gikalisang sa mga Taiwanese sa rasong andam matud pa sila kanunay nga makigbatuk sa main land.

Kini ilabina nga matag-tuig silang magpahigayon og military drill sa ingon duna sila’y depensa higayong muhimo og agresibong lakang ang China ilabina nga nagsugod pa lang ang China sa pag-asenso gawas nga daghan sa mga Taiwanese ilabina sa mga artista nga wala na kaayo mukita sa island nation ang atua na sa China.

Kaniadto matud pa nga mas adunahan pa ang Taiwan kaysa main land, daghan sa mga Taiwanese ang mahadlok nga sulungon apan karon nga mas adunahanang China, kampante ang Taiwanese government nga wala’y himuong dautan ang China nga makadaut sa duha ka mga nasud.

-- ADVERTISEMENT --

Kamatu-uran matud pa nga dili tensyunado karon ang katawhan sa Taiwan sa bahad nga reunification sa China, ang wala pagtutok nila sa maong isyu ilabina sa mga overseas Filipino workers kon OFWs nga mas nag-atang pa sa kasikas karon sa Pilipinas tungod sa umalabot nga eleksyon sa Mayo 9, 2022.