BUTUAN CITY – Gikumpirma sa militar nga napatay ang usa ka taas nga opisyal sa New Peoples Army (NPA) sa Mindanao human misukol sa mga sundalo ug pulis samtang nag-serv og warrant of arrest, kagahapon sa kaadlawon sa usa ka resort sa Purok Milion, Barangay San Agustin Tandag City lalawigan sa Surigao del Sur. 

Sa pakighinabi sa  Bombo Radyo Butuan kang Maj. Rodulfo Cordero ang Civil Military Operations Officer sa 401St Brigade Philippine Army,  gibutyag niini nga miembro sa Executive Committee (EXECOM) sa Komisyong Mindanao (KOMMID) ug kanhi tigpamaba sa nansangpit nga organisasyon ang napatay nga top official nga si Alvin Loque, alyas Joaquin Jacinto. 

-- Advertising --

Gibutyag mo Maj. Cordero nga mag-serve unta og lima ka warrant of arrest alang sa lahi-lahing kaso ang awtoridad dihang nakig-pinusilay si Loque sa operating troops nga nagresulta sa iyang kamatayon. 

Gipadayag usab sa opsiyal nga lakip si Loque sa lahi-lahing pag-atake nga gihimo sa NPA sa mga patrol base  sa Agusan del Sur adtong 2018 ug pagdagit sa duha cadre ug mga  CAFGU sa lalawigan.

Sumala pa usa si Loque sa nagrabehang nasamdan sa sunod-sunod nga engkwentro nga natigayon tali sa mga sundalo at rebelde sa Surigao del Sur  adtong Mayo ning bulana rasong mikanaog kini sa lungsod ug nagpahulay . 

Gipadayag usab ni Maj. Cordero nga dunay naghatag kanila og impormasyon sa eksaktong lokasyon ni Loque rason gilayon nila kining naadtuan.

Dugang sa opisyal gawas sa kang  Loque patay usab sa nasangpit nga operasyon ang laing usa ka kauban niini sa nasangpit nga resot diin  narekober ang  mga subersibong dokumento, mga armas, ug granada. 

Gipa-imbestigahan usab karon ang tag-iya sa resort nga gidayunan nila Loque.

Nasayran nga si Loque ang  number 10 Most Wanted Person sa PNP Caraga  nga dunay patong sa ulo nga muabot sa P6 milyon. 

Nahimong opisyal sa lahi-lahing  progresibong organisasyon  si Alvin Loque adiser nahimong aktibong miembro ug opisyal sa CPP-NPA-NDF.